Ja ek, pappa en Hanco was weer Donderdag (22 April 2010) by die dokter gewees vir 'n scan, en als gaan so goed met jou! Jy weeg al 'n hele 1,042kg! Die dokter is ook baie beindruk met jou vordering en als lyk baie goed. Hanco was weer baie beindruk om sy sussie op die TV te sien en het heel opgewonde na die skerm bly staar terwyl die dokter die scan gedoen het, hy kon ook natuurlik nie ophou praat daaroor nie en ons het baie gesukkel om hom bietjie stiller te kry tydens die ondersoek. Ons het nog net 9 wekies oor voor jy jou opwagting maak en mamma is SO OPGEWONDE, ek kan nou nie meer wag om jou te sien en vas te hou nie!
Ons gan die 10de Mei 2010 vir jou 4D Scan, dan gaan ons bietjie kan sien hoe jy lyk, en dit is so amazing!
Hier is jou sonar-foto wat die dokter geneem het (maar jy was bietjie skaam met die scan en het jou gesiggie bietjie vir ons weg gesteek) :
Mamma kan ook nou sien en voel dat jy elke dag 'n bietjie groter raak, want jou spasie daar binne raak bietjie min en ek is seker dat jy al op hierdie stadium effens beknop voel daar binne. Mamma moet ook die heeltyd pen-regop sit, anders druk ons mekaar so bietjie, wat effens ongemaklik is.
Jy moet rustig en soet wees daar binne my liefies, tot volgende keer!
Liefies jou tonne!
No comments:
Post a Comment
Note: Only a member of this blog may post a comment.